Tuesday, April 23
Shadow

غزل | رفعت انجم

رفعت انجم
اَگ وچ تاری لا کے انجم کی کھٹیا
سپاں ددھ پِوا کے انجم کی کھٹیا
چنگا سی جے اِکو تھاں تے بہہ جاندی
اوہدے در تے جا کے انجم کی کھٹیا
کوٸ وی سُندا نئیں اے تیریاں گلاں نوں
چیخ چہاڑا پا کے انجم کی کھٹیا
رب دا ناں ای رفعت بُوہا بند کر لے
اوہنوں کول بلا کے انجم کی کھٹیا
چنگا سی جے چُپ دی بُکل وٹ لیندی
اپنا درد سنا کے انجم کی کھٹیا؟

Leave a Reply

Your email address will not be published. Required fields are marked *

×

Send a message to us on WhatsApp

× Contact