Friday, May 24
Shadow

ویلا ساہ کڈھ لیندا اے، مظہراقبال مظہر

جے ویلے نال ٹُریے ناں

ویلا ساہ کڈھ لیندا اے

پانی رُکھ نوں دئیے ناں

رُکھ وی سُک جاندا اے

سرگی ویلے رب لبیے ناں

رب وی رُس جاندا اے

شاماں پئے گھر مُڑیے ناں

گھر وی رُل جاندا اے

کدی جیوندیاں حال پُچھیے ناں

مویاں نیر وگ جاندا اے

جوانی وچ نیویں ٹُریے ناں

بڑھاپا نیواں کر دیندا اے

رنگ گُوڑھے چڑھائیے ناں

دل رنگ بُھل جاندا اے

جے ویلے نال ٹُریے ناں

ویلا ساہ کڈھ لیندا اے

(مظہراقبال مظہر)

Leave a Reply

Your email address will not be published. Required fields are marked *

×

Send a message to us on WhatsApp

× Contact