Khawaja Muhammad Shafi Memorial Achievement Awards
خواجہ محمد شفیع 1939 میں راولاکوٹ آزادکشمیر کے نواحی گاؤں تراڑ میں پیدا ہوۓ - مڈل تک تعلیم مقامی ا سکول سے حاصل کرنے کے بعد انتہائی کم عمری میں ملازمت کے لیے لاہور منتقل ہو گئے۔ جہاں پاکستان کے موقر ترین سائنسی ادارے پاکستان کونسل آف سائنٹیفک اینڈ انڈسٹریل ریسرچ ( پی سی ایس آئی آر ) میں بطور لیباریٹری اسٹنٹ ملازمت شروع کی -اعلیٰ تعلیم یافتہ سائنسدانوں اور ماہرین کے ساتھ سرکاری امور کی انجام دہی نے ان کے شوق تعلیم کو جلا بخشی اور دوران ِ ملازمت میٹرک کا امتحان پاس کیا- نامساعد حالات کے باوجود دو کنبوں کی کفالت کے ساتھ ساتھ متعدد فیملیوں کی ہر ممکن مدد کرتے رہے۔ دکھی انسانیت کا درد ان کی ذات میں کوُٹ کوُٹ کر بھرا تھا۔ علامہ اقبال کے اس قدر شیدائی کہ اپنے تمام بیٹوں کے نام ان کے نام سے جوڑ دئیے۔ 1992 میں داغِ مفارقت دے گئے۔ آپ سب سے التماس ہے کہ ہمارے والد صاحب ک...
