کلام: کوکب علی راولپنڈی پاکستان
الھم صلی علی محمدِِ وعلی آل محمدِِ
غار حرا میں عبادت کی روشنی کی
چمک اب بھی موجود ہو گی
میرا دل اس روشنی کو محسوس کرنے
کی جستجو میں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کما صلیت علی اِبراھیم وعلی آل اِبراھیم
کعبہ کی( پاکیزہ اور خدا کی محبت کے مشک و عنبر سے تر )
دیواریں اٹھاتے ہوئے
حضرت ابرہیم( ع) اور اسماعیل ( ع) نے
کائنات کی تمام رعنائیوں کو
چُن کر اکٹھا کیا
اور انسانی ذات کی تمام سچائیاں
کعبہ کے گرد چکر کاٹنے میں موجود ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میری ہستی حباب کے آبگینوں کی مانند ہے
اور اس میں تمام رنگ
گنبد خضراء کے سبز رنگ کی نسبت
سے پھوٹے ۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
صحن نبوی میں ہر طلب ، سرگوشی ،
اور کلام
عطا کے معنی سے منور ہے
مگر سچ تو یہ ہے کہ
معراج کے موقع پر
خدا اور اس کے رسول کے درمیان ہونے والی گفتگو نے
دنیا کے ہر کلام اور گفتگو کو مکمل کر دیا ہے
الھم صلی علی محمدِِ وعلی آل محمدِِ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
