Friday, April 19
Shadow

نعت رسول مقبول  صل اللہ علیہ والہ وسلم /آرسی رٶف

آرسی رٶف

صحابہ کی عقیدت کے سبھی اطوار دیکھیں گے

نبی جی کے زمانے کے سبھی آثار دیکھیں گے

نبی کی ان محافل کے بہت انوار دیکھیں گے

تخیل میں  صحابہ  سے بھرا دربار دیکھیں گے

جفا کاروں کو بتلا دو ہمیشہ منہ کی کھائیں گے

محبت سے بھری ان کی وہ جب گفتار دیکھیں گے

سجی ہے آج محفل جو درودوں کی یہاں پر تو

قرینے سے  سجے ہم بھی سبھی افکار دیکھیں گے

مقابل ہے نہ ثانی ہے،مماثل ہو نہیں سکتا 

محمد کو جہاں میں ہم  بلند دستار دیکھیں گے

جہاں پر وہ بسے تھے خاک چومیں گے وہاں کی ہم

  مدینے کی گلی اور وہ درو دیوار دیکھیں گے

نہیں ایسے مٹے گی تشنگی یہ آرسی دل کی

مدینہ جب تلک  پھر ہم  نہیں اک بار دیکھیں گے

Leave a Reply

Your email address will not be published. Required fields are marked *

×

Send a message to us on WhatsApp

× Contact