بچوں کے لئے کہانیوں کا مطالعہ ضروری کیوں؟ تحریر : بینش احمد ( اٹک )
آج ہم بات کریں گے کہ بچوں کے لئے کہانیوں کو مطالعہ کرنا ضروری کیوں ہے؟ میں حیران ہوتی ہوں کہ کیسے پیارے دن تھے ہمارے بچپن کے، جب ہم شدت سے اتوار کا انتظار کیا کرتے تھے۔
کیونکہ ہر اتوار بچوں کا خصوصی میگزین شائع ہوا کرتا تھا۔ اس میں ہم اپنی من پسند کہانیاں پڑھا کرتے تھے اور گھر بیٹھے ہی خُوب لطف اندوز ہوا کرتے تھے۔اپنی جیب خرچی سے مختلف کہانیاں خرید خرید کر پڑھتے تھے۔ ایک آج کا دور ہے کہ ہمارے بچے صرف پریوں کی کہانیاں ہی جانتے ہیں وہ بھی محض زبانی کیونکہ وہ بچپن سے اپنی دادی نانی اور ماں سے سن رہے ہوتے ہیں۔
دورِ حاضر میں موبائل اور انٹرنیٹ کے ذریعے بچوں کے سیدھے راستے سے بھٹکنے کے امکانات کافی زیادہ ہیں۔ ہمیں اپنے بچوں کی تربیت کچھ اس طرح سے کرنی چاہیے کہ بچوں کو ادب و لحاظ اور اخلاقیات کا مکمل پتا ہو۔ کوئی بھی نامناسب چیز دیکھنے یا پڑھنے سے پہلے اُن کا ضمیر اُنہیں ایک بار ملامت ضرور کرے...