کہانی

قیوم خالد -  (۱) ایک چھنّا کا ہوا اور اندر ہی اندر کوئی چیز ٹُوٹ کر کِرچی کِرچی ہوگئی۔ اُنہوں نے سراُٹھاکر اپنے شوہر کی طرف دیکھا۔ وہ گھمبیر سی صورت بنائے زیورات کے معائنہ میں مصروف تھے۔ یہ وہ زیور تھے جنھیں وہ پہن کر دُلھن بنی تھی۔ اِن زیوروں سے کئی خواب وابستہ تھے۔ اُن کے دل میں ایک عجیب سی خواہش نے انگڑائ لی کہ ایک بار صرف ایک آخری بار وہ زیورپہن کر آئینہ میں دیکھے کہ وہ کیسی لگتی ہیں۔آئنہ میں اپنی جوانی کا عکس ڈھونڈیں۔ حالانکہ وہ جانتی تھیں کہ آئنہ پُرانے عکس نہیں لوٹاسکتے۔ وہ دِل ہی دِل میں اِس خواہش پر مُسکرا اُٹھّیں اور سر کی جنبش سے اس خیال کو ہلکے سے جھٹک دیا۔ اِس خیال سے کہ شوہر کہیں یہ نہ سمجھ بیٹھے کہ اُن کے دِل میں زیورات کی چاہت ابھی تک باقی ہے اور اُنھیں بیچنے کا خیال ترک کردیں ۔آج اُن کے شوہر کا مان ٹُوٹ چُکاتھا۔ اُن کی بہنوں کے زیور کبھی کے بِک چُکے تھے لیکن اُن کے ...

پروفیسر نسیم امیر عالمحفصہ ایک بہت پیاری بچی تھی ۔بے حد حساس اور ذہین،بطور شاعر اسے علامہ اقبال بہت پسند تھے۔اقبال حفصہ کو اس لیے بھی پسند تھے، کہ انہوں نے مسلمانوں کی آزادی و خودمختاری کا جو خواب دیکھا تھا ۔آج وہ "پاکستان" کی شکل میں پورا ہو گیا تھا۔ اب حفصہ ایک ایسا خواب دیکھنا چاہتی تھی کہ اس کا یہ پیارا وطن جو بدامنی، لوٹ مار، فساد، افراتفری، نفسا نفسی کا گہوارہ بن کر "خراب ستان" بن چکا تھا۔ دوبارہ "پاک ستان" بن جائے۔ وہ دن رات اسی ادھیڑ بن میں رہتی  کہ وہ یہ خواب دیکھے کہ پاکستان "اچھا ملک" بن گیا۔ جیسے قیام پاکستان کے وقت مسلمانوں کا جذبہ تھا، وہ ہی جذبہ پیدا ہو گیا۔ وہ سمجھتی تھی کہ ایک دن اقبال سوئے اور خواب دیکھا اور جب وہ اٹھے تو خواب سچ ہو گیا۔ اب ننھی حفصہ کو کون سمجھائے کہ خواب عملی کوشش مانگتے ہیں۔ پھر ایک دن یہ ہی سوچتے سوچتے وہ سو گئی۔ آنکھ کھلی تو دیکھا کہ خلاف معمول...

پروفیسر نسیم امیر عالم میں ایک بہت ٹھنڈی  سی شام میں اپنے گرم کمرے میں لحاف میں دبکی چلغوزے اور مونگ پھلی کھانے کے ساتھ  ساتھ ٹی وی پر اپنے پسندیدہ کارٹون بھی دیکھ رہی تھی اور سردی کے مزے لے رہی تھی کہ اچانک مجھے کمرے میں بے پناہ ٹھنڈک کا احساس ہوا اور میں میں تھر تھر کانپنے لگی یا اللہ کیا کھڑکی  کھلی رہ گئی ہے میں نے گھبرا کر خواب گاہ کی کھڑکی کی  جانب نظر دوڑائیں تو وہ بھی بند تھی  اتنے میں گرم کمرے میں اچانک سردی کہاں سے آگئی میں ٹھٹر کر ہر بڑائی تو جیسے کسی نے میرے کان میں سرگوشی کی مجھے آنے کے لئے کسی سے کس اجازت  لینے کی ضرورت نہیں ہے جہاں میرا دل چاہتا ہے اور جب میرا دل چاہتا ہے بلا اجازت پہنچ جاتی ہوں۔ میں ڈرگئی۔ ڈرو نہیں  لوگ تو مجھے پسند کرتے ہیں تم ڈر رہی ہو۔  ان لفظوں کے ساتھ سفید مخمل  جیسے  کپڑے میں لپٹی برف جیسے بالوں والی دودھیا  رنگت والی خاتون میرے سامنے آگئی اور آ ۔۔۔۔آ...

نسیم امیر عالم عیدکی چاندرات متوقع تھی۔یعنی آج آخری روزہ تھایاکل بھی روزہ ہوگا یہ چنداماماکےمکھڑےکودیکھنے پر منحصرتھا۔بچےدعامانگ کر۔۔۔۔مردٹی وی کے آگے بیٹھ کر۔۔۔عورتیں جلدی جلدی کاموں کو نمٹاتےہوۓ۔۔۔۔نوجوان دوربین لیےچھت پرغرض ہرکوئ منتطر تھاکہ کل عید ہے یا نہیں۔۔۔۔۔!! سب خوش تھےلیکن اس تمام صورت حال میں ایک بچہ ایسا بھی تھاجواس جگمگاتی خوشیاں بکھیرتی رات میں بھی افسردہ اورغمگین تھا۔وہ حسرت سے آس پڑوس کے خوشیوں بھرےہنگامے کو دیکھتا اورسر جھکاکرٹہلنے لگ جاتا۔باجی ہوں یا امی۔۔۔۔بےحدمصروف دکھائ دے رہی تھیں۔۔۔۔بابا جانی بھی پرتفکراورپریشان سے تھے۔اس کی طرف کسی کا بھی دھیان نہیں تھااور نہ ہی توجہ تھی کہ عکرمہ کہاں ہے۔۔۔۔۔کیا کر رہا ہے۔۔۔کس کیفیت کے زیر اثر ہے۔۔۔! وہ حسرت سےسامنے والےکوارٹرکو تک رہاتھا۔اس کوارٹرکے باہران کاور خاندان پر مسرت انداز میں جمع ہو کرآسمان کو تک رہا تھا۔ماں ,باپ,اورد...

تحریر:معوذ رؤف حسن پیارے ساتھیو! سانپ اور نیولے کی دشمنی سے کون واقف نہیں، چلئے آج آپ کو انہی کے متعلق ایک کہانی سناتے ہیں جن کی لڑائی سے ایک بندر نے خوب فائدہ اٹھایا. ایک دفعہ کا ذکر ہے کہ ایک جنگل میں شیروں کی بجائے نہر کے ایک کنارے سانپوں کا قبضہ جبکہ دوسرے کنارے پر نیولوں کا راج تھا. دونوں کناروں پر  بادشاہ اپنی اپنی رعایا پر پوری آب وتاب سے حکمرانی کر رہے تھے.گویا اس کنارے اور اس کنارے اپنی اپنی راجدھانیوں میں سب بہت خوش تھے اور چین کی بانسری بجا رہے تھے۔لیکن ان کا یہ سکوں و اطمینان اور چین سے رینا ایک شرارتی بندر کی آنکھ میں کھٹکنے لگا۔ہوا یوں کہ ایک مرتبہ ایک بندر کا اس راستے سے گزر ہوا جسے اس کے بادشاہ شیر نے اس کی شرارتوں سے تنگ آکر اپنے جنگل سے نکال باہر کیا تھا.وہ اب بھٹکتا ،مارا مارا کبھی اس جگہ کبھی اس جگہ دھکے کھاتا پھر رہا تھا۔ہر جگہ سے اس کی شرپسند طبیعیت کے باعث اسے مار ...