رائٹرز

قراۃالعین بشیر کا تعلق ضلع راولپنڈی سے ہے۔ وہ گزشتہ تین  سالوں سے ادب سے وابستہ ہیں۔ وہ تین کتب کی مصنفہ ہیں جبکہ متعدد کتب میں بطور شریک مصنفہ شامل ہو چکی ہیں۔ قراۃالعین بشیر ان دنوں ایک اخبار میں بطور انچارج ایڈیٹوریل اپنی ذمہ داریاں سر انجام دے رہی ہیں۔وہ  متعدد ادبی ، صحافتی اور سماجی تنظیموں اور اداروں سے وابستہ ہیں اور کئی ایوارڈز وصول کر  چکی ہیں۔ اُن کی دو کتب ابھی زیرِ اشاعت ہیں۔ اُنکی تیسری، قرآن مجید پر تحقیقی کتاب جلد منظر عام پر آ رہی ہے۔ وہ ان دنوں ایک نجی تعلیمی ادارے میں بطور معلمہ اپنے علم سے بچوں کا مستقبل روشن کر رہی ہیں ...

لیاقت علی ضلع خانیوال کے شہر تلمبہ میں پیداہوئے۔ میٹرک کا امتحان تلمبہ کے سرکاری سکول سے پاس کیا ۔ اس کے بعد مزید تعلیم کے لئے ملتان چلے گئے۔ جہاں سے انہوں نے ایف سی پری میڈیکل کے بعد بی اے کی ڈگری حاصل کی اور پھر بہاوالدین زکریا یونیورسٹی ملتان سے انگریزی ادب میں ماسٹرز کیا۔ اس کے بعد اعلیٰ تعلیم کے لئے لاہور آ گئے۔ لاہور سے سی اے انٹر کیا۔ سن دو ہزار نو میں سرکاری سکول میں بطور استاد ملازمت کا آغاز کیا جہاں وہ تا حال اپنی خدمات انجام دے رہے ہیں ۔ لکھنے کی ابتدا سن دو ہزار نو میں ہی پاکستان کے بچوں کے معروف رسالے "بچوں کا اسلام" سے کی۔ اس کے بعد دوسرے رسالوں میں لکھنا شروع کیا۔ ان میں پاکستان کے تمام بڑے اور معروف پرچے شامل ہیں۔ ۔ ان کی اب تک چار سو کے قریب تحریریں شائع ہو چکی ہیں اور ابھی یہ سلسلہ جاری ہے ۔ ان میں جاسوسی ، مذہبی اور مزاحیہ تحریریں شامل ہیں۔سال 2015 میں ماہنامہ ذوق و ...

مسلم انصاری کا تعلق کراچی سے ہے۔ انہوں نے وفاق المدارس سے درسِ نظامی (ایم اے اسلامیات) کے بعد فیڈرل اردو یونیورسٹی کراچی سے ایم اے اردو کی تعلیم حاصل کی۔ دو ہزار اٹھارہ کے اوائل میں ان کی پہلی کتاب بعنوان "خاموش دریچے"مجموعہ نظم و نثر کے طور پر شائع ہوئی۔ مختلف کتابی سلسلوں تسطیر، اثبات، ادبستان کے علاوہ مکالمہ ویب گوگل پر بھی ان کا کام موجود  ہے۔ "کابوس"مصنف کی فکشن کے اعتبار سے پہلی کتاب ہے۔ان کہانیوں کے کردار بچھڑے، روندے، تلاش میں بھٹکتے، آزادی کے متلاشی، نفسیاتی، سماجی و معاشرتی پسِ ماندہ، چٹھی رسان، خودکشی کو طبیبانہ موت تسلیم کرنے والے، محبت کہنے اور اوڑھنے والے، انتظار کی سولی پر ٹنگے، مزدوروں، خانہ بدوشوں، طوائفوں، خواجہ سراؤں، سچائی برداشت کرنے والوں اور فطری اداسی سے ہم آہنگ  افراد ہیں۔مسلم انصاری ان دنوں کراچی ایکسپریس نیوز میں اپنی ذمہ داریاں سر انجام دے رہے ہیں اور...

ڈاکٹر محمد شعیب خان، محقق، افسانہ   و ناول نگار اور بچوں کے ادیب ہیں۔ قومی وبین الاقوامی رسائل و جرائد میں  ایک سو سے زائد مضامین ومقالات شایع ہو چکے ہیں۔ نیشنل بک فاؤنڈیشن اسلام آباد سے بچوں کے ادب پر مشتمل کہانیوں کی پانچ کتابیں اور ایک ناول شایع ہو چکے ہیں۔ ماحولیات کے حوالے سے پندرہ کہانیوں پر مشتمل مجموعہ “زمین کا زیور ” کے عنوان سے زیر طبع ہے۔چند افسانے سہ ماہی" ادبیات" کی زینت بن چکے ہیں۔ریڈیو پاکستان اسلام آباد سے قومی نشریاتی رابطے پر ڈرامے نشر ہوتے رہتے ہیں۔ اس وقت آزاد جموں و کشمیر ٹیلی ویژن کے لیے ڈرامہ تخلیق کے مراحل میں ہے۔ ...