نسیم سلیمان کی ” دیپ بکھری یادوں کے ” پر مجید احمد جائی کا تبصرہ
مجیداحمد جائی ۔ ماضی ہمیشہ یادیں بن کر انسانی زندگی کے ساتھ ساتھ سفر کرتا رہتا ہے۔یادیں حسین ہوں تو حال اور مستقبل قدرے آسان بسر ہوتا ہے اور اگران یادوں میں دُکھ درد ،غم الم اورمعاشرے کی تلخیاں شامل ہوجائیں توزندگی کا ہر گزرتالمحہ روگ بن جاتا ہے شاید اسی لیے ماضی کو عذاب سے تشیبہ دی گئی ہے۔انسانی زندگی گزرتے لمحوں کے ساتھ مختلف تجربات ،مشاہدات کشید کرتی رہتی ہے یوں زندگی کے اندر واقعات کا انبارلگ جاتا ہے۔ان واقعات اور تجربات ومشاہدات کولفظوں کا روپ دیا جائے تو زندگی کے شب وروز حسین ہو جاتے ہیں ۔ایسا نہ ہوتو یہ یادیں،ماضی بن کر دیمک کی طرح انسان کو اندر ہی اندر چاٹتا رہتا ہے اور بلاآخر انسان ختم ہوکر منوں مٹی میں ہمیشہ کے لیے سو جاتا ہے ۔ممتاز غزنی یادوں کے حوالے سے یوں رقم طراز ہوتے ہیں ”یادیں عمر کا حاصل ہوتی ہیں اور تنہائیوں کی محفلیں سجانے کا سامان بھی ۔سوچ اور ہاد میں بہت ہی مع...
