Tag: ڈاکٹر سجاد باقر رضوی

پروفیسر رضوانہ انجم میری طالب علمی کے زمانے کا لاہور کالج، لاہور کے بہترین کالجوں میں شمار ہوتا تھا۔کنئیرڈ کالج برائے خواتین کے بعد لاہور کالج برائے خواتین کی شہرت پورے پنجاب میں تھی۔ اس کالج کی اساتذہ اور طالبات کے درمیان ادب واحترام و تقدس کا بےمثال رشتہ قائم تھا۔بحثیت طالبہ اس کالج میں جو چار سال گزرے وہ سرمایۂ حیات ہیں۔ چار سالہ دور یادوں کا حسین البم ہے جسکی ہر تصویر ایک سبق اور پیغام ہے۔اس دور کے اساتذہ بجا طور پر صاحب علم تھے اور طالب علم حقیقتاً علم کے طلبگار۔ علم کی یہ طلب اور رسد احترام اور عقیدت کے قیمتی طلائی و نقرئی اوراق میں لپٹی ہوئی تھی اور عاجزی کی کلابتون سے بندھی ہوئی تھی۔۔۔۔ ہم اسے پلکوں اور پیشانی پہ اٹھائے پھرتے تھے۔ استاد سے لگاتار نظر ملا کر بات کرنا،انکی بات قطع کرنا،راستے میں چلتے ہوئے ان کے برابر یا نذدیک ہو کر چلنا گویا بد تہذیبی نہیں گناہ کے ز...