عالمی اردو سیمینار (ورچوئل)

world soil day, علاقائی زبانوں, ماحولیاتی ادب, مقالہ جات, ورلڈ سوائل ڈے

wsd english small

عالمی اردو سیمینار (ورچوئل)

عنوان :ماحولیاتی ادب میں علاقائی زبانوں کا کردار

پریس فار پیس فاؤنڈیشن (یو کے) 5 دسمبر 2024 کو ورلڈ سوائل ڈے کی مناسبت سے “ماحولیاتی ادب میں علاقائی زبانوں کا کردار” کے موضوع پر پاکستان اور بھارت کی جامعات کے تعاون سے اردو زبان میں ایک ورچوئل سیمینار کا انعقاد کرنے جا رہی ہے۔ اس سیمینار میں پیش کیے جانے والے منتخب اور معیاری تحقیقی مقالہ جات کو پریس فار پیس پبلیکیشنز کی جانب سے کتابی شکل میں مفت شائع کیا جائے گا۔ اس سیمینار کی لائیو کوریج سوشل میڈیا پلیٹ فارمز پر دنیا بھر کے اردو ناظرین کے لیے دستیاب ہو گی۔ سیمینار کی نظامت، کوآرڈی نیشن اور تکنیکی معاونت پریس فار پیس کی آرگنائزنگ ٹیم کے ذمہ ہوگی۔ معیاری مقالہ جات کے لیے ہمیں اکیڈیمیا کے اراکین، فیکلٹی ممبران، محققین، مصنفین اور یونیورسٹیوں کے طلبا و طالبات کا تعاون درکار ہے۔ مقالہ لکھنے کے لیے کچھ موضوعات نمونے کے طور پر درج ذیل ہیں، تاہم ان سے ملتے جلتے موضوعات پر بھی مقالہ لکھا جا سکتا ہے، چاہے وہ کسی بھی صنف سخن سے متعلق ہو۔ مقالہ نگار کو اپنے مقالے کی پیشکش کے لیے 10 سے 12 منٹ کا وقت دیا جائے گا۔ ہر مقالے میں کم از کم دس مستند حوالے شامل ہوں۔ طویل اقتباسات سے گریز کریں اور پیچیدہ فنی اصطلاحات کا استعمال نہ کریں۔ اردو کے سامعین کی سہولت کے پیش نظر غیر اردو الفاظ، تراکیب اور مختصر حوالوں کے اردو معانی بھی بیان کریں۔

world soil day seminar poster pfp png