ریحانہ اعجاز ، افسانہ و ناول نگار، مصنفہ ، کہانی کار، کراچی

میرا نام ریحانہ اعجاز ہے۔ روشنیوں کے شہر کراچی میں رہائش پذیر ہوں۔ بطور شاعرہ میرے تین عدد مجموعہ کلام “دعا دیتے ہیں لفظ میرے”  “سرگوشیاں ” اور آہٹیں منظر عام پر آ چکے ہیں جبکہ نثر میں افسانوں ، ناولز اور بچوں کی کہانیوں پر مشتمل چار عدد  کتب “سہہ برگ” بار وفا” کونپلیں” اور ” جناح کے وارث ” بھی قارئین سے سند پسندیدگی حاصل کر چکی ہیں۔ متعدد پلیٹ فارمز سے اب تک ان گنت ایوارڈز ، شیلڈز ، میڈل ایک عدد گولڈ میڈل اور بےشمار سرٹیفکیٹ حاصل کر چکی ہوں ۔
میرے افسانے شعاع، کرن ، پاکیزہ ، دوشیزہ ، سچی کہانیاں ، نئے افق ، ادب رنگ میگزین ، اپووا ڈائجسٹ ، ایڈونچر ڈائجسٹ ،  حجاب ڈائجسٹ کی زینت بن چکے ہیں جبکہ مختلف موضوعات پر مضامین و شاعری آنچل ڈائجسٹ ، ریشم ڈائجسٹ ، ماہنامہ اطراف ، صبح بہار میگزین اور  اردو پوائنٹ، ہماری ویب سمیت مختلف ویبسائٹس پر بھی پبلش ہو چکے ہیں ۔ کئی مشترکہ کتب دیوان سخن ، داستان ہوشربا، جب پہنچا ہم تک ہولناک سیلاب، میرے گھر بھی زینب ہے، مقیاس الادب ، ادب کے ستارے، ادیب نگر ، انسانیت کا فقدان ، شام تنہائی وغیرہ  میں  میری تحاریر ، افسانے، شاعری  شامل ہیں ۔ میری کتاب “بار وفا ” پر پشاور یونیورسٹی کی طالبہ نے مقالہ بھی لکھا ہے جو میری سب سے بڑی اچیومنٹ ہے ۔ مجھے خوشی ہے سترہ بہترین قلمکاروں کی کتب میں میری رائے بھی  شامل ہے۔ تاحال ادب کا یہ سفر جاری ہے۔

ریحانہ اعجاز
کراچی