غزل/ ماہم حامد

وقت کو موڑ کے سب لوگ نہیں لا پاتے
کرب جب دل میں ٹھہر جائیں نہیں جا پاتے

ہم وہی لوگ جو فاقوں سے تو مر جاتے ہیں
اپنے ایمان کا سودہ  نہیں فرما پاتے

تجھ کو معلوم ہے پردیس کی روزی کیا ہے؟
راہ تکتے ہیں جنازے وہ نہیں آ پاتے

حسرتیں بن کے پڑی رہتی ہیں دل کے اندر
خواب مر جائیں تو لاشیں نہیں دفنا پاتے

ہم پہ حالات بھلے جتنے ستم فرما لیں
خود کشی کرتے نہیں، زہر نہیں کھا پاتے

کتنی ماہم کو اذیت ہے ترے جانے سے
کاش ہم دل یہ تمھیں کھول کے  دکھلا پاتے

ماہم حامد