غزل/ ماہم حامد

غزل
(ماہم حامد)
دلِ لاپتہ کا پتہ ہے تو
مری روح تک میں بسا ہے توکہوں کیا تمھیں مرا کیا ہے تو
مرے دل سے نکلی دعا ہے تو

میں ہوں مر چکی میں ہوں مٹ چکی
مری خاک میں بھی بچا ہے تو

ترے بن چلیں نہ یہ دھڑکنیں
مجھے لگ گیا جو نشا ہے تو

مجھے یوں لگے کہ جہان ہی
ہے خفا جو مجھ سے خفا ہے تو

ترا عشق دل کی ہے آگہی
ہے خدا ملا جو ملا ہے تو

تجھے کس طرح میں بھلا چلوں
سبھی راستوں میں کھڑا ہے تو

مری داستاں کا تو حسن ہے
تو ہی پھول، باد صبا ہے تو

نہیں جا رہا جو دھیان سے
مرے پاک رب کی رضا ہے تو

میں مریض ایسا جو مر رہا
مری آخری ہی دوا ہے تو

ہے الجھ چکی تری ماھو جو
مری ذات کا ہی سرا ہے تو