دعائیہ کلام/ سامعہ افتخار

سامعہ افتخار

نہ ہی کرسکی ہوں میں حق ادا
اے مرے خدا اے مرے خدا
مری زندگی مرے راستے
ہیں الگ الگ ہیں جدا جدا
نہ ہی کرسکی ہوں میں حق ادا
اے مرے خدا اے مرے خدا
مجھے منزلوں کی تلاش ہے
نہ ہی راستہ کوئی راس ہے
تو سمیٹ کر سبھی فاصلے
کوئی کھول دے مرا راستہ
تو ہے مہرباں تو ہے مہرباں
اے مرے خدا اے مرے خدا
نہ ہی کرسکی ہوں میں حق ادا
اے مرے خدا اے مرے خدا
میں بکھر گئ ہوں جگہ جگہ
تو مجھے سنبھال مرے خدا
مجھے ہے فقط ترا آسرا
اے مرے خدا اے مرے خدا
نہ ہی کرسکی ہوں میں حق ادا
اے مرے خدا اے مرے خدا
تری رحمتوں کا ہے آسرا
تو رحیم ہے تو کریم ہے
مجھے بخش دے اے مرے خدا
نہ ہی کرسکی ہوں میں حق ادا
اے مرے خدا اے مرے خدا
*اے مرے خدا اے مرے خدا*